Из архива новостей
Биир дойдулаахпыт, улуус, республика тыатын хаһаайыстыбата сайдарыгар олоҕун анаабыт, Никольскай музейын төрүттээччи Иван Серафимович Шарапов 85 сааһыгар аналлаах юбилейнай мероприятие санаабыт хоту этэҥҥэ ааста. Тыа хаһаайыстыбатын управлениетын кытта соглашение баттастыбыт. И. С. Шарапов кинигэтэ переизданиеҕа барарын ситистибит. Этэҥҥэ барыта табыллан, бэл күннүүн туран биэрдэ. Нэһилиэкпит баһылыга Уйгу Сайаан Айхан уола ытыктыыр киһибитигэр Егор Романович Леонтьевка «Никольскай нэһилиэгин ытык киһитэ» аат иҥэриллэн бэлиэ туттарылынна. Күндү ыалдьыттарбыт астынан үөлээннээхтэрин көрсөн, ырыа-үҥкүү бөҕө көрөн, махтанан, бардылар! Иван Серафимович аймахтарыгар, кыыһыгар Елена Ивановнаҕа, дьаһалта үлэһиттэригэр, депутаттарга, тэрилтэлэрбитигэр өйөбүлгүт, көмөҕүт иһит барҕа махтал!
