Хомуур — 2025 с. (Из архива новостей)
Никольскайдааҕы И.С.Шарапов аатынан сири туһаныы музейыгар хомуур үлэтэ түмүктэннэ. Бу саас подсолнух уонна туорахтаах культураттан: сэлиэһинэй, эбиэс, дьэһимиэн олордубуппут. Ыһыыга сиэмэ буларбытыгар Россельхозцентр Саха сиринээҕи салаата (А.С.Данилова) с дьэһимиэн сиэмэнэн, куораттан Скрябин М.М. подсолнух сиэмэтинэн көмөлөспүттэрэ. Түгэнинэн туһанан барҕа махталбытын тиэрдэбит. Үүнээйилэрбит ситэн, подсолнухха фотозоналары туруоран республика араас улуустарыттан, Россияттан тиийэ ыалдьыттары көрүстүбүт. Сайын биир кэрэ түгэнин хаартыскаларыгар хааллараннар үөрэн, махтанан бардылар.Бу тэрээһиммит түмүгэр киирбит харчыттан «Победа вместо букета» аһымал акцияҕа кыттан «Волонтеры Саха» активистарыгар 20000 солк. госпитальга эмтэнэ сытар байыастарбытыгар көмө ыыттыбыт. Манна тэрээһиҥҥэ кэлэн кыттыбыт музейбыт бары ыалдьыттара кылааттарын киллэрдилэр.урдукпут хомууругар «Айыы Кыhата» национальнай гимназия, 6 «г» уонна 8 «г» үөрэнээччилэрэ салайааччыларын кытары кэлэн музейнай уруокка сырыттылар. Музей сотруднига Светлана Николаевна «Бурдук хомуура» уруокка бурдуктар араастарын көрөн, хайдах араарары үөрэттэ. Сиэрпэнэн бурдук быһыытын, кэлиигэ соҕооҕунан сиэмэни куоластан араарыытын, тыалга сиэмэ хаҕын хайдах көтүтэри, сонуогу хайдах отунан баайары, суорунаҕа бурдук мэлийиитин көрдөрөн билиһиннэрдэ. Түмүккэ балаҕан көмүлүөгэр астаммыт алаадьынан күндүлээтибит. Үөрэнээччилэр өбүгэлэрэ хайдах үлэлээн, сүрүн аһыыр астарын — килиэби булуналларын, туттар тэриллэрин туһунан олус элбэҕи билэн бардылар. Айыы кыһата гимназия директорыгар Шамаева Л.П. суолта ууран, үөрэнээччилэрин үһүс сылын тэрийэн ыыталыырыгар махталбыт баһаам.
