Никольскай нэһилиэгэр Василий Дьяконов – Бараан Бааска сиэннэрин уонна кинилэр дьиэ кэргэттэрин көҕүлээһиннэринэн быйыл «Бастыҥ тэлгэһэ» үс түһүмэхтээх куонкурус ыытылынна. Бырайыак автордара – норуот хаһаайыстыбатын үтүөлээх үлэһитэ Михаил Донской, Сергей Трубин уонна Егор Бугаев. (из архива новостей)
Балаҕан ыйын 19 күнүгэр, Никольскайга тыа хаһаайыстыбатын дьаарбаҥкатын иитинэн куонкурус түмүгүн таһаарыы буолла. Тэрээһиҥҥэ улуус баһылыга Юрий Слепцов, нэһилиэк баһылыга Уйгу Сайаан уонна улуус депутата Павел Иванов эҕэрдэ тыл эттилэр. Юрий Иннокентьевич бүгүҥҥү күһүҥҥү дьаарбаҥка үрдүк таһымҥа ыытыллыбытын, маннык хомунан-тэринэн улуустааҕы дьаарбаҥкаҕа ситиһиилээхтик кытталларыгар баҕа санаатын эттэ уонна бу бырайыагы улуус таһымыгар таһааран ыытыахха наадатын тоһоҕолоото.
«Бастыҥ тэлгэһэ» куонкурус түмүгэ маннык буолла: дьон биһирэбилин ылан Анна Гермогенова 15 тыһ. солк. наҕараадаланна; Никольскай нэһилиэгин баһылыгын аэрогриль бирииһинэн Павел уонна Анастасия Нератовтар наҕараадаланнылар.
Бастакы миэстэни Мария уонна Николай Соловьевтар ыллылар уонна улуус баһылыга туруорбут Никольскайга сир учаастагын сертификатынан наҕараадаланнылар. Иккис миэстэ – Анна уонна Анатолий Олесовтар, 25 тыһ. солк. ыллылар. Үһүс миэстэ – Татьяна уонна Иван Терешкиннар, 20 тыһ. солк. наҕараадаланнылар.
Миэстэлэспит дьоммутугар истиҥ эҕэрдэбитин тиэрдэбит. Бу курдук дьиэҕит тиэргэнэ куруук кэрэ көстүүлээх, дьиэ кэргэнинэн оҕуруот олордон, тутуу ыытан уйгу-быйаҥ олохтонуҥ.
